İspaniya klubu "Qarabağ"ın rəqibindən FIFA-ya şikayət edib

İspaniyanın "Rasinq" klubu "Qarabağ"ın Avropa Liqasının qrup mərhələsindəki rəqibi Portuqaliyanın "Sportinq"indən FIFA-ya şikayət edib.

Bu barədə Santander təmsilçisinin prezidenti Viktor Blanko bildirib. Şikayətə səbəb "Sportinq"in futbolçu Markos Akunyanın transferi üçün nəzərdə tutulan 1,37 milyon avronu ödəməməsidir.

Qeyd edək ki, Akunya 2017-ci ilin yayında "Rasinq"dən "Sportinq"ə keçib. O, 11 dəfə Argentina millisinin də formasını geyinib.

"Report"