"Mercedes" "Formula 1" üzrə Azərbaycan Qran Prisinin qalibi ilə yeni müqavilə imzalayıb

"Formula 1" üzrə dünya çempionatının iştirakçısı olan Almaniyanın "Mercedes" komandası Lüis Hemiltonla müqavilənin müddətini uzadıb.

33 yaşlı britaniyalı pilotla 2020-ci ilə qədər nəzərdə tutulan yeni sözləşmə imzalanıb.

Hemilton 2017-ci ildən "Formula 1" yarışlarında iştirak edir. Dördqat dünya çempionu olan pilot bunlardan üçünə 2013-cü ildə keçdiyi "Mercedes"lə nail olub. O, daha əvvəl "Maklaren"lə də birinci yeri tutub.

Qeyd edək ki, "Formula 1" üzrə 2018-ci il Azərbaycan Qran Prisinin qalibi olan tanınmış pilot hazırda ikinci sıradadır. O, "Ferrari"dəki həmkarı Sebastyan Fetteldən geri qalır.

Report