Fransa I Liqasına vəsiqə qazanan ilk klub müəyyənləşib

2018/2019 mövsümündə Fransa I Liqasında çıxış edəcək ilk klub müəyyənləşib. Fransa II Liqasının 34-cü turunda doğma meydanda "Ayaçço"nu 1:0 hesabı ilə məğlub edən "Reyms" klubu növbəti mövsümdən etibarən əsas çempionatda iştirak edəcək.

Xallarının sayını 78-ə çatdıran komanda turnir cədvəlinin birinci pilləsində qərarlaşmaqla yanaşı, ən azı ikinci yeri təmin edib.

Qeyd edək ki, "Reyms" 2015/2016 mövsümünün sonunda Fransa II Liqasına enib. Komanda 6 dəfə ölkə çempionu olub. Report.az