Azərbaycan idmançıları Qış Olimpiya Oyunlarına yollanır

7-25 fevral tarixlərində Cənubi Koreyanın Pxençanq şəhərində növbəti 2018 Qış Olimpiya Oyunları keçiriləcək. “OLAYLAR”-a Milli Olimpiya Komitəsinin mətbuat xidmətindən bildirilib ki, Azərbaycan nümayəndə heyəti fevralın 8-də XXVIII Qış Olimpiya Oyunlarında iştirak etmək üçün Cənubi Koreyanın Pxençanq şəhərinə yola düşəcək.

7-25 fevral tarixlərində Cənubi Koreyanın Pxençanq şəhərində növbəti 2018 Qış Olimpiya Oyunları keçiriləcək. "OLAYLAR"-a Milli Olimpiya Komitəsinin mətbuat xidmətindən bildirilib ki, Azərbaycan nümayəndə heyəti fevralın 8-də XXVIII Qış Olimpiya Oyunlarında iştirak etmək üçün Cənubi Koreyanın Pxençanq şəhərinə yola düşəcək.

Azərbaycan Milli Olimpiya Komitəsinin vitse-prezidenti Çingiz Hüseynzadənin rəhbərlik etdiyi nümayəndə heyətinə MOK-un baş katibinin müavini Azər Əliyev, Gənclər və İdman Nazirinin müavini, İsmayıl İsmayılov və digər şəxslər daxildir.

Qeyd edək ki, ölkəmiz 1998-ci ildən bəri Qış Olimpiya Oyunlarında iştirak edir. Bu dəfəki Oyunlarda Azərbaycan slalom və böyük slalom yarışlarına qatılacaq. Bu növdə ölkəmizi Patrik Braxner təmsil edəcəkdir.

Pxençanq-2018 Olimpya Oyunlarında 92 ölkədən 2952 idmançının iştirak etməsi gözlənilir. Bu, indiyə qədər Qış Olimpiadasında iştirak etmiş ən çox idmançı sayıdır.