Prosineçki San Marino üzərindəki qələbə və qarşıdakı hədəflər haqda

Futbol üzrə Azərbaycan yığma komandasının baş məşqçisi Robert Prosineçki 2018-ci il dünya çempionatının seçmə qrup matçında San Marino yığması üzərində 5:1 hesablı qələbədən sonra təşkil edilən mətbuat konfransında oyun haqda fikirlərini bölüşüb.

Virtualaz.org-un məlumatına görə, xorvatiyalı mütəxəssis bildirib ki, cari tsikldəki bu üçüncü qələbəni Qurban bayramına həsr edirlər: "Azərbaycan xalqını təbrik edirik. Oyuna nəzarət bizim əlimizdə idi. Komanda iki-üç qoldan sonra arxayınlaşmadı, hücumlarını davam etdirdi. Oyundan razı qaldım. Məndə olan məlumata görə, Azərbaycan yığması ilk dəfə seçmə mərhələdə 5 qol vurdu".

48 yaşlı mütəxəssis qrupdakı hədəflərinə də aydınlıq gətirib: "Bizi iki oyun gözləyir. İlk növbədə Çexiyaya qarşı yaxşı oynamalıyıq. Almaniyaya gəlincə, gəlin özümüzü aldatmayaq. Dünyanın ən yaxşı millilərindən birinə qarşı oynayacağıq. Məqsəd həmin matçda özümüzü yaxşı tərəfdən göstərməkdir