Bas "Qızıl buts" müsabiqəsində Messiyə çatdı

Portuqaliyanın "Sportinq" klubunun fubolçusu Bas Dost "Qızıl buts" müsabiqəsində "Barselona"nın hücumçusu Lionel Messiyə çatıb.

Portuqaliyanın "Sportinq" klubunun fubolçusu Bas Dost "Qızıl buts" müsabiqəsində "Barselona"nın hücumçusu Lionel Messiyə çatıb. 27 yaşlı forvard buna Portuqaliya çempionatının XXVIII turunda Azərbaycan milli komandasının üzvü Emin Mahmudovun da formasını geyindiyi "Boavişta" ilə ev oyununda nail olub. "Sportinq"in 4:0 hesabı ilə qalib gəldiyi qarşılaşmada rəqib qapısına 3 dəfə yol tapan hollandiyalı hücumçu cari çempionatda qollarının sayını 27-yə çatdırıb. Beləliklə, B.Dost və L.Messinin hesabında 54 xal var və onlar "Qızıl buts" cədvəlinə başçılıq edirlər.

Qeyd edək ki, "Qızıl buts" Avropa ölkələrinin milli çempionatlarının ən yaxşı bombardiri üçün təsis edilən mükafatdır. "Top-5" liqalarında 1 qol 2 əmsalla dəyərləndirilir. Ötən mövsüm mükafata 40 qolla "Barselona"nın uruqvaylı hücumçusu Luis Suares layiq görülüb. Report.az