16 güləşçimiz ilk onluqda yer alıb

Dünya Güləş Birliyi 2017-ci ilin yanvar ayında keçirilən yarışların nəticəsinə əsasən, güləş üzrə yeni reytinq siyahısını açıqlayıb.

Dünya Güləş Birliyi 2017-ci ilin yanvar ayında keçirilən yarışların nəticəsinə əsasən, güləş üzrə yeni reytinq siyahısını açıqlayıb. Bu barədə məlumat "OLAYLAR"-a AGF-dən daxil olub. Bildirilib ki, yanvar ayında komandalarımız heç bir rəsmi yarışda iştirak etmədiyindən reytinq sıralamasında elə də ciddi dəyişiklik müşahidə edilməyib. İlk onluqda ümumilikdə 16 güləşçimizin adı var. Sərbəst güləşçilərin siyahısında Hacı Əliyev, Əhmədnəbi Qvarzatilov, Toğrul Əsgərov, Cəbrayıl Həsənov və idmançı karyerasını bitirən Xetaq Qazyumovun adı ilk onluğa daxil edilib. Qadın güləşçilərdən Mariya Stadnik, Nataliya Sinişin, Yuliya Ratkeviç onluqda yer alıb. Yunan-Roma güləşçilərinin onluğunda isə Rövşən Bayramov, Rəsul Çunayev, Həsən Əliyev, Elvin Mürsəliyev, Rafiq Hüseynov, İslam Abbasov və Sabah Şəriətinin adlarını görmək mümkündür.