Yanaldan Şeydayevə tapşırıq: "Debütə hazır ol!"

Azərbaycan millisinin hücumçusu Ramil Şeydayev Türkiyə çempionatında debüt etməyə hazırlaşır.

Azərbaycan millisinin hücumçusu Ramil Şeydayev Türkiyə çempionatında debüt etməyə hazırlaşır.

Apasport.az xəbər verir ki, Superliqanın VI turunda "Karabükspor"un qonağı olacaq "Trabzonspor" klubunun heyətində müəyyən dəyişikliklər ediləcək. 

Belə ki, qeyri-stabil çıxışı nəzərə alan baş məşqçi Ərsun Yanal bəzi oyunçuları Karabük səfərinə aparmayacaq. Əvəzində həmyerlimiz Ramil Şeydayevin ilk dəfə çempionat matçında "18-lik"də yer alması gözlənilir.
 
Hətta Yanalın millimizin forvardı ilə söhbət zamanı ona "Karabükspor"la görüşdə debüt etməyə hazır olmağı tapşırdığı da vurğulanıb. Görüşə ehtiyatdan başlaması gözlənilən 20 yaşlı oyunçu qarşılaşmanın gedişinə görə ikinci hissədə debüt edə bilər.
 
Qeyd edək ki, "Karabükspor" - "Trabzonspor" oyunu oktyabrın 1-də keçiriləcək.