Braziliyanı ziyana salanlar

XXXI Yay Olimpiya Oyunlarının ən yaxşılarına verilən mükafatlar təşkilatçı ölkə Braziliyanı ziyana salıb.

XXXI Yay Olimpiya Oyunlarının ən yaxşılarına verilən mükafatlar təşkilatçı ölkə Braziliyanı ziyana salıb.

Apasport.az xəbər verir ki, idmançılar Cənubi Amerika ölkəsini nəzərdə tutulduğundan artıq medalla tərk ediblər.

Belə ki, Olimpiadada 306 dəst medal sahibini tapmalı idi. Lakin yekunda 307 qızıl və eyni sayda gümüş təqdim edilib. Buna üzgüçülük yarışlarında baş verənlər səbəb olub. Əvvəl 100 m məsafəyə sərbəst üsulla üzən qadınlar qızılı bölə bilməyiblər. ABŞ idmançısı Simone Manuel və Kanada təmsilçisi Penni Oleksyak eyni nəticə göstəriblər - 52,70 saniyə.
 
Hər iki idmançıya qızıl verən təşkilatçılar bir gümüşə "qənaət etsələr" də, kişi üzgüçülər buna imkan verməyib. 100 m məsafəyə batterflyayla üzməkdə sinqapurlu Cozef Skulinq çempion olubsa, gümüşü birdən-birə 3 olimpiyaçı qazanıb. Bunlar amerikalı əfsanə Maykl Felps, CAR-dan olan Çad le Klo və macarıstanlı Laslo Çexdir. Bu iki növbəti şərikli medallar 306 qızıl və eyni sayda gümüşün hərəsindən bir dənə artıq verilməsi ilə nəticələnib.
 
Qeyd edək ki, yarışda 361 bürünc medal təqdim olunub.