Millimiz Qazaxıstanda antirekordunu təkrarladı

Qazaxıstanın Şımkent şəhərində keçirilən "Prezident Kuboku"nda çıxışını başa vuran 17 yaşadək futbolçulardan ibarət Azərbaycan millisi antirekorda imza atıb.

Qazaxıstanın Şımkent şəhərində keçirilən "Prezident Kuboku"nda çıxışını başa vuran 17 yaşadək futbolçulardan ibarət Azərbaycan millisi antirekorda imza atıb.

Apasport.az xəbər verir ki, Qırğızıstanı 2:0 hesabı ilə məğlub edib, turniri 5-ci pillədə başa vuran Rafiq Mirzəyevin yetirmələri turnirin tarixində millimizin ən zəif nəticəsini təkrarlayıblar.

Belə ki, 2011-ci ildən turnirin iştirakçısı olan U-17 yığmamız üçün 5-ci pillə ən pis nəticədir. Komandamız 2 il əvvəl də eyni uğursuzluğu yaşamışdı. Digər 4 turnirdə daha uğurlu çıxış edən yığmamızın rekordu isə 2011-ci ildəki 1-ci yerdir.
 
Ümumilikdə isə Azərbaycan komandaları 2008-ci ildən keçirilən "Prezident Kuboku"nda 1 il sonra debüt edib. 2009 və 2010-cu illərdə komandalar ölkəmizi təmsil edibsə, 2011-ci ildən estafet U-17-yə keçib.
 
Azərbaycan komandaları "Prezident Kuboku"nda
2008 - iştirak etməmişik
2009 - "Akademiya" - 7-ci yer
2010 - "Bakı" - 7-ci yer
2011 - U-17 milli komanda - 1-ci yer
2012 - U-17 milli komanda - 4-cü yer
2013 - U-17 milli komanda - 4-cü yer
2014 - U-17 milli komanda - 5-ci yer
2015 - U-17 milli komanda - 2-ci yer
2016 - U-17 milli komanda - 5-ci yer