Azərbaycan millisindən MÖHTƏŞƏM QƏLƏBƏ: 12:1!

17 yaşadək futbolçulardan ibarət Azərbaycan yığması Qazaxıstanın Şımkent şəhərində təşkil olunan "Prezident Kuboku" turnirinin qrup mərhələsində son oyununu keçirib.

Milli.Az qol.az-a istinadən xəbər verir ki, Rusiya-2 yığması ilə qarşılaşan komandamız böyükhesablı qələbə qazanıb - 12:1. Xaqani Sadıqov 6, Kamran Quliyev isə 4 qol vurublar. Hərəyə 1 dəfə İzzət Muştaqov və Məhəmməd Məhərrəmov fərqləniblər.

İlk oyunda İran yığmasına 0:3 hesabı ilə məğlub olan, ikinci qarşılaşmada isə Tacikistan komandası ilə 2:2 hesablı heç-heçə edən yığmamız qrupda üçüncü yeri tutub.