İngiltərə yığmasının baş məşqçisi istefa verdi

"Avro-2016"nın 1/8 final mərhələsində gözlənilmədən İslandiyaya məğlub olan İngiltərənin baş məşqçisi Roy Hocson vəzifəsindən istefa verib.

Trend-ə istinadən bildirir ki, 68 yaşlı mütəxəssis komandasının uğursuzluğunda özünü günahkar hesab edib.

"Çox məyus oldum. Çempionatı belə erkən tərk etmək yolverilməzdir. Bunların günahı məndədir. Buna görə də getmək qərarına gəldim" - deyə Roy Hocson bildirib.

Qeyd edək ki, Hocson 2012-ci ildən İngiltərə millisini çalışdırırdı.