“Avro-2016”da spirtli içki satışına qadağa qoyuldu

Fransanın hakimiyyət orqanları “Avro-2016”nın keçirildiyi arenaların yaxınlığında oyun ərəfəsi və oyun günlərində spirtli içkilərin satışına qadağa qoyub.

Fransanın hakimiyyət orqanları "Avro-2016"nın keçirildiyi arenaların yaxınlığında oyun ərəfəsi və oyun günlərində spirtli içkilərin satışına qadağa qoyub.

Qol.az-ın Fransa mətbuatına istinadən yaydığı xəbərə görə, ölkənin daxili işlər naziri Bernar Kaznev bildirib ki, bu qərarın verilməsinə rus və ingilis azarkeşlərin Marsel şəhərində yaratdığı ixtişaşlar səbəb olub:

"Mən yerli hakimiyyət orqanlarından xahiş edirəm ki, stadion yaxınlığında və fan-zonalarda spirtli içkilərin satışı ilə bağlı qoyulan qadağanın icrasına ciddi nəzarət etsinlər". 

Fransa mətbuatı yazıb ki, azarkeşlər əsasən, qiyməti 2 avroya olan ucuz spirtli içkiləri çox miqdarda qəbul etdikdən sonra dava salmağa başlayıblar.