Runidən "Old Trafford"da yubiley qol

"Mançester Yunayted"in kapitanı Ueyn Runi üçün İngiltərə Premyer Liqasının sonuncu turunda "Bornmut"la matç (3:1) əlamətdar olub. Qol.az xəbər verir ki, sözügedən qarşılaşmanın 43-cü dəqiqəsində fərqlənən ingilis hücumçu "Old Trafford"da keçirilən ölkə çempionatı matçlarında vurduğu qolların sayını 100-ə yüksəldib.

Bununla da o, İngiltərədə bir stadionda ən çox qol vuran ikinci futbolçu olub.

Qeyd edək ki, bu göstəricidə rekord "Arsenal"ın keçmiş futbolçusu Tyerri Anriyə məxsusdur (114 qol).