Steven Kooper: "Azərbaycanda infrastruktur yüksək səviyyədədir"

"Qrupda bütün komandalarla görüşümüz çətin keçəcək. Ən vacibi öz oyunumuzu göstərməkdir". Bunu  açıqlamasında 17 yaşadək futbolçulardan ibarət komandaların iştirakı ilə keçiriləcək UEFA Avropa çempionatı Azərbaycan-2016 turnirinin C qrupunda yer alan İngiltərə komandasının baş məşqçisi Steven Kooper deyib. O, Fransa komandası ilə qarşılaşmanın daha çətin keçəcəyini bildirib. Mütəxəssis turnirin təşkilatçılığının yüksək səviyyədə olduğunu qeyd edib: "Azərbaycanda otellər, meydançalar, ümumiyyətlə infrastruktur çox yüksək səviyyədədir. Burada futbol oynamaq üçün gözəl şərait var".