Avropa liqasinda Türk-Rus savaşi başladı

Öyündan öncə "Lokomotiv" futbolçularına və azarkeşlərinə daşlar atılıb

Avropa Liqasının "Fənərbaxça" - "Lokomotiv" qarşılaşmasına saatlar qalmış oyun ətrafında gərginlik davam edib.  ANS PRESS-in məlumatına görə, oyun öncəsi İstanbulda "Lokomotiv" futbolçularına və azarkeşlərinə daşlar atılıb.

Bu barədə Rusiya mətbuatı xəbər verib. Verilən məlumata görə, rusiyalı oyunçular və azarkeşlər oyunun keçiriləcəyi "Şükrü Saracoğlu" stadionuna gedərkən "Fənərbaxça"lı azərkeşlərin təpkisi ilə qarşılaşıb.

Klub avtobusu və azərkeşlər daş atəşinə tutulub. Oyuna baxmağa gələn əlliyə yaxın rus azərkeşlərini hər yerdə türk polisi müşaiyət edir.  Yüzdən çox polis onlara təhkim olunub.

"Fənərbaxça" - "Lokomotiv" qarşılaşması öncəsi UEFA ciddi qərar qəbul edib. Qitənin ali futbol qurumu Avropa Liqasının bu oyununu "Yüksək riskli qarşılaşma" kimi qiymətləndirib. Bu səbədən oyuna əlavə UEFA nümayəndəsi təyin olunub və ən xırda detallara belə nəzarətdə olacaq.

Qitənin ali futbol qurumu Avropa Liqasının bu oyununu "Yüksək riskli qarşılaşma" kimi qiymətləndirib.
Yaşana biləcək hər hansı gözlənilməz hadisəni önləmək üçün klubun rəsmi saytından azarkeşlərə müraciət olunub. Həmin müraciətdə vurğulanır ki, 2012-2013-cü il mövsümündən bəri icrası təxirə salınmış qərar və sanksiyalar UEFA-nın nəzarətindədir.

Fanatların törədəcəyi ən kiçik iğtişaş belə "Fənərbaxça"nın ciddi cəzalandırılmasın, hətta avrokuboklardan uzun müddətə uzaqlaşdırılmasına bəhana verə bilər. Klub rəhbərliyi azarkeşlərdən diqqətli olmağı, hər hansı bir təxriabata uymamağı xahiş edib.

Eyni zamanda, İstanbula gələn rus azarkeşlərə də ehtiyatlı olmaq, oyundan əvvəl şəhərdə "Lokomotiv" formalarıyla gəzməmək tövsiyyə olunub.

Qeyd edək ki, mərhələnin digər qarşılaşmaları fevralın 18-də keçiriləcək.

Avropa Liqası

1/16 final, ilk oyunlar

16 fevral

21:00. "Fənərbaxça" (Türkiyə) - "Lokomotiv" (Rusiya)

Baş hakim: Martin Stromberqsson (İsveç)

18 fevral

22:00. "Anderlext" (Belçika) - "Olimpiakos" (Yunanıstan)

22:00. "Borussiya" (Dortmund, Almaniya) - "Porto" (Portuqaliya)

22:00. "Fiorentina" (İtaliya) - "Tottenhem" (İngiltərə)

22:00. "Midtyulland" (Danimarka) - "Mançester Yunayted" (İngiltərə)

22:00. "Sevilya" (İspaniya) - "Mölde" (Norveç)

22:00. "Sent-Etyen" (Fransa) - "Bazel" (İsveçrə)

22:00. "Vilyareal" (İspaniya) - "Napoli" (İtaliya)

00:05. "Auqsburq" (Almaniya) - "Liverpul" (İngiltərə)

00:05. "Qalatasaray" (Türkiyə) - "Latsio" (İtaliya)

00:05. "Marsel" (Fransa) - "Atletik" (İspaniya)

00:05. "Şaxtyor" (Ukrayna) - "Şalke" (Almaniya)

00:05. "Syon" (İsveçrə) - "Braqa" (Portuqaliya)

00:05. "Sparta" (Çexiya) - "Krasnodar" (Rusiya)

00:05. "Sportinq" (Portuqaliya) - "Bayer" (Almaniya)

00:05. "Valensiya" (İspaniya) - "Rapid" (Avstriya)