Gənclik veloyürüşü keçiriləcək

2 fevral Azərbaycan gənclər günü ilə əlaqədar "İRƏLİ" İctimai Birliyinin təşkilatçılığı, "Böyük İpək Yolu" Beynəlxalq Gənclər Birliyi, Azərbaycan Velosiped İdmanı Federasiyasının (AzVİF) tərəfdaşlığı ilə birgə Gənclik Veloyürüşü" keçiriləcək. Bu barədə məlumat "OLAYLAR"-a "İrəli" İctimai Birliyindən daxil olub. Bildirilib ki, velo yürüşün məqsədi gənclərin sağlam həyat tərzinin formalaşmasına dair təbliğatın aparılması, gənclərin asudə vaxtının səmərəli təşkil olunması və günün əhəmiyyətinin onlara aşılanmasına yönəlib. Velo-yürüşə yanvarın 31-də Dövlət Bayraq Meydanından start veriləcək.