"Qəbələ" - "Levski" oyununun tarixi dəqiqləşdi

"Qəbələ"nin gələn ay təlim-məşq toplanışı çərçivəsində "Levski" ilə keçirəcəyi yoxlama görüşünün tarixi məlum olub.  Apasport.az xəbər verir ki, "qırmızı-qaralar" Türkiyə hazırlığı zamanı bolqarlarla yanvarın 23-də üz-üzə gələcəklər. Sofiya klubu yanvarın 20-dən fevralın 11-dək Antalyada toplanış keçirməyi planlaşdırır. Məhz bu müddətdə onlar ilk oyunlarını məhz "Qəbələ"yə qarşı keçirəcəklər. "Levski"nin hazırlıq çərçivəsində digər rəqibləri "Vitorul" (Rumıniya), "Domjale" (Sloveniya) və "Volın" (Ukrayna) olacaq.

Qeyd edək ki, "Qəbələ" Antayla toplanışı çərçivəsində Polşanın "Poqon" klubu ilə də qarşılaşacaq.