Hakan Şükür Fətullah Gülənin yanına qaçdı - Türkiyəni silkələyən hadisə

İstanbuldakı evini satan və bankdakı pulunu çəkdikdən sonra Türkiyədən ayrılaraq başqa bir ölkəyə köçən keçmiş futbolçu Hakan Şükür ABŞ-da ortaya çıxıb.

Qeyd edək ki, futbolçu bir müddət əvvəl  Türkiyədə olan evini satışa çıxarıb. Onun  evini satmaq qərarı Paralelə-gülənçilərə qarşı əməliyyatların daha sıx olduğu dövrdə olması diqqət çəkib. Bir müddətdir xaricdə olduğu  deyilən, lakin hansı ölkədə olduğu dəqiq bilinməyən Hakan Şükürün, Kaliforniyaya ştatındakı San- Mateo şəhərində olduğu bildirilib.

Üç mərtəbəli binada  mənzil alan Şükürün bankdan çəkdiyi pulları evə xərclədiyi bildirlib. O yaxınlarına "Bir daha Türkiyəyə dönməyəcəyəm, burada özümə iş quracağam" deyib.  Köhnə futbolçunun "paralel struktura" yaxın olduğu üçün Türklərdən gözlədiyi diqqəti  görmədiyi deyilir.