FHN-nin əməkdaşı Pərviz Abdullayev “Glory World Series”də qələbə qazandı

Fövqəladə Hallar Nazirliyinin Xüsusi Riskli Xilasetmə Xidmətinin (XRXX) əməkdaşı, Füzuli Musayevin tələbəsi, "Kobra-Pərviz" ləqəbi ilə tanınan Azərbaycanlı kikboksçu Pərviz Abdullayev 41-ci dəfə qalib olub. İdmançı Amsterdam şəhərində kikboksinq üzrə keçirilən "Glory World Series" adlı böyük peşəkar yarışa qatılıb. 5 qat dünya çempionu Pərviz Abdullayev FHN-nin İdman Sağlamlıq Klubunun rəisi, polkovnik Füzuli Musayevin rəhbərliyi altında Azərbaycanı ilk dəfə olaraq yarışda təmsil edib. P.Abdullayev rəqibi mərakeşli Aziz Kallahı məğlub edərək tam üstünlüklə qələbə qazanıb.