DÇ-2026-ya 40 komanda ilə...

Dünya çempionatlarının final mərhələsində çıxış edəcək komandaların sayının 40-a çatdırılması ilə bağlı bu gün rəsmi qərar qəbul edilə bilər. Apasport.az saytı xarici mətbuata istinadən xəbər verir ki, Sürixdə bir araya gələn FİFA-nın İcraiyyə Komitəsinin üzvləri bu məsələni müzakirə çıxarıblar.

Müzakirələrdən sonra mundial iştirakçılarının sayının 40-a çatdırılması ilə bağlı razılıq əldə olunsa, bu qərar öncə DÇ-2026-ya şamil ediləcək.

Qeyd edək ki, 1934-cü ildən 1978-ci ilə qədər keçirilmiş dünya çempionatlarının final mərhələlərində 16 komanda iştirak edib. 1982-ci ildən etibarən 4 mundialda iştirakçıların sayı 24-ə bərabər olub. DÇ-1998-dən başlayaraq isə dünyanın ən nüfuzlu futbol turnirində 32 komanda iştirak edir.