UEFA Bakı "İnter"inə qarşı iş açdı

UEFA-nın klubların maliyyə nəzarəti üzrə İstintaq Palatası İnstansiyası 6 klubun işini Arbitraj Palatasına verib. Qol.Az-ın Sportnet.az-a istinadən yaydığı xəbərə görə, bunlar Portuqaliya "Braqa"sı, Rumıniya "Tırqu-Mureş"i, "Astra"sı və "Botoşani"si və Ukrayna "Dnepr"i ilə yanaşı, Azərbaycanın "İnter" komandasıdır. Onlar 30 iyun - 30 sentyabr aralığında vacib sahələrdə - digər klublara, öz əməkdaşları və sosial-vergi xidmətlərinə gecikdirilmiş ödənişlərlə bağlı tələbləri pozublar. Yekun qərar ilin sonunadək Arbitraj Palatasında qəbul olunmalıdır. Bu klublara mükafatın ödənişləri müvəqqəti dayandırılıb.