10 addım geri...

FİFA milli komandaların növbəti reytinq cədvəlini açıqlayıb. Qol.az-ın qurumun rəsmi saytına istinadən yaydığı xəbərə görə, ötən ayla müqayisədə Azərbaycan milli komandası 10 pillə geriləyib. Millimizin "Avro-2016"nın seçmə mərhələsinin son iki oyununda İtaliya və Bolqarıstana uduzması dünya reytinqindəki mövqeyinə təsirsiz ötüşməyib. Yığmamız hazırda 293 xalla 115-ci pillədə qərarlaşıb. Siyahının ilk pilləsində dəyişiklik olub. Belçika yığması birinci pilləyə yüksəlib. Son dünya çempionu Almaniya yığması ikinci, Argentina isə üçüncü pillədə qərarlaşıb.