Sərbəst güləşçilərimiz Dağıstana gedəcək

Oktyabrın 23-25-i tarixlərində Dağıstan Respublikasının Buynak rayonunda dövlət xadimi Xizri Şıxsaidovun mükafatı uğrunda sərbəst güləş üzrə beynəlxalq turnir keçiriləcək. Turnirdə sərbəst güləş üzrə yığma komandanın bəzi üzvləri iştirak edəcək. AGF-dən "OLAYLAR"-a bildirilib ki, yığma komandanın məşqçisi Siracuddin Eldarovun rəhbərliyi altında qonşu respublikaya 8 güləşçimiz yollanır.  Yarışda ölkəmizi Pərviz İbrahimov, Mircəlal Həsənzadə (hər ikisi 57 kq), Ağahüseyn Mustafayev (61 kq), Ağaəli Ramazanov, Samir Rzayev (hər ikisi 65 kq),  Mircəfər Murtuzlu (74 kq), Məhəmməd Abdulxalikov və Hacımurad Məhəmmədsəidov (hər ikisi 86 kq) təmsil edəcək.