"Xəzər Lənkəran" qalib gəldi

Milli komandamızın "Avro-2016"nın seçmə mərhələsindəki oyunları ilə əlaqədar Premyer Liqada yaranmış fasilədə hazırlıqlarını davam etdirən "Xəzər Lənkəran" bu gün yoxlama görüşündə qüvvəsini sınayıb. Qol.Az-ın klubun rəsmi "facebook" səhifəsinə istinadən verdiyi məlumata görə, "Xəzər Lənkəran" əvəzedici komandası ilə qarşılaşıb. Oyun əsas komandanın 2:1 hesablı qələbəsi ilə başa çatıb. Əsas komandanın qollarına L'imam Seydi və Zaman Mirzəzadə imza atıb. Əvəzedici komandadan isə Kamal Dənziyev fərqlənib.