Millimiz yenidən Belarusla üz-üzə

Futzal üzrə Avropa çempionatının pley-off mərhələsinə hazırlıq məqsədilə Azərbaycan milli komandası bu gün Belarus yığması ilə növbəti yoldaşlıq oyunu keçirəcək. Qol.Az-ın AFFA-nın rəsmi saytına istinadən verdiyi məlumata görə, "ABU Arena"da keçiriləcək qarşılaşma saat 20:30-da başlayacaq. Xatırladaq ki, bu komandalar arasında avqustun 31-də keçirilmiş oyun komandamızın 5:2 hesablı qələbəsi ilə yekunlaşıb.