Prosineçki: "Bu, Azərbaycan futbolu üçün önəmli hadisədir”

Azərbaycan milli komandasının baş məşqçisi Robert Prosineçki UEFA Avropa Liqasının qrup mərhələsinə vəsiqə qazanan "Qarabağ" və "Qəbələ" klublarını təbrik edib. Qol.Az-ın AFFA-nın saytına istinadən yaydığı xəbərə görə, xorvatiyalı mütəxəssis bu uğurun Azərbaycan futbolu üçün önəmli hadisə olduğunu vurğulayıb: "Ümid edirəm ki, klubların əldə etdiyi nəticə Azərbaycan milli komandasının da uğurlu çıxışına müsbət təsir göstərəcək. Bugünkü püşkatmanı böyük həvəs və maraqla gözləyirəm. "Qarabağ" və "Qəbələ"yə qrup mərhələsində uğurlar arzulayıram".