Əfran İsmayılov “Qarabağ”da

Çempionlar Liqasında III təsnifat mərhələsinə yüksələn"Qarabağ" FK transfer çalışmalarını da davam etdirir. İyulun 24-də klub daha bir transferini reallaşdırıb. "Qarabağ" Azərbaycan yığmasının üzvü Əfran İsmayılovla müqavilə imzalayıb. Ağdam klubunun yetirməsi olan 27 yaşlı yarımmüfadiəçiylə 1 illik saziş imzalanıb. Əfran artıq komandanın məşqlərinə qoşulub. Xatırladaq ki, Əfran İsmayılov yay transfer dönəmində "Qarabağ"ın sıralarına qatdığı 10-cu transferdi. Daha öncə klub Dani Kintana, Elharbi El Jadoui, Azər Salahlı, Vüqar Mustafayev, Coşqun Diniyev, Elvin Məmmədov, Elvin Yunuszadə,  Rydell Poepon, Mahir Mədətovu sıralarına qatmışdı. ("OLAYLAR İA")