"Dinamo"nun baş məşqçisi dəyişdi

Rusiyanın "Dinamo" klubunun baş məşqçisi Stanislav Çerçesov istefaya göndərilib. Qol.Az-ın klubun rəsmi saytına istinadən verdiyi məlumata görə, təcrübəli mütəxəssislə müqavilə qarşılıqlı razılıq əsasında ləğv edilib. Artıq Moskva təmsilçisinin yeni baş məşqçisi də müəyyənləşib. Bu, daha öncə klubun idman direktoru vəzifəsində çalışan Andrey Kobelevdir.

Qeyd edək ki, "Dinamo" Çerçesovun rəhbərliyi altında ardıcıl iki mövsüm Premyer Liqanı dördüncü pillədə başa vurub. Onun komandası ötən mövsüm Avropa Liqasında 1/8 final mərhələsinə qədər irəliləyib.