"Milan"ın futbolçusu rəsmən "Sevilya"da

"Sevilya" "Milan"ın müdafiəçisi Adil Raminin transferini rəsmiləşdirib. Qol.Az-ın klubun rəsmi saytına istinadən verdiyi məlumata görə, fransız futbolçu ilə 4 illik müqavilə imzalanıb. Tibbi müayinədən uğurla keçən 29 yaşlı futbolçunun bu gün rəsmi təqdimat mərasimi olacaq.

Qeyd edək ki, 2014-cü ildə "Valensiya"dan "Milan"a transfer olunan Rami İtaliya təmsilçisinin heyətində keçirdiyi 37 oyunda 4 qol vurub.