"Təcrübəmlə komandama fayda verməyə çalışacam"

"Artıq 2 gündür məşqlərə başlamışıq. Komanda tam formalaşandan sonra daha da yaxşı olacaq. Məşqçilər gənclərlə təcrübəlilərdən ibarət güclü kollektiv yaratmaq niyyətindədir". Qol.Az-ın məlumatına görə, bu sözləri "Zirə"nin futbolçusu Rəşad Abdullayev klubun rəsmi saytına açıqlamasında deyib. R.Abdullayev təcrübəsi ilə komandasına faydalı olmağa çalışacağını bildirib: "Əsas komada olmaqdır və mən "Zirə"də bunu görürəm. Belə olanda nəticə də olur. Mən də çalışacam ki, təcrübəmlə həm meydanda, həm də meydandan kənarda komandama fayda verim".