Elvin Mürsəliyev: Azərbaycan adını dünya idmanı tarixinə yazdırdı

"Azərbaycan I Avropa Oyunlarını keçirməklə adını dünya idmanı tarixinə yazdırdı". Bunu Trend-ə Bakı-2015 Avropa Oyunlarında yunan-Roma güləşində qızıl medal qazanmış Elvin Mürsəliyev (75 kq) deyib. Onun sözlərinə görə, I Avropa Oyunlarının adı həmişə Azərbaycanla bağlı olacaq: "Biz sübut etdik ki, iri beynəlxalq yarışları təşkil etməyə hazırıq. Oyunlar sayəsində ölkə qonaqları qədim tariximiz, mədəniyyətimiz, milli mətbəximiz, qonaqpərvərliyimizlə və Bakının gözəlliyi ilə yaxından tanış olmaq imkanı əldə ediblər".