Yozef Blatter FİFA prezidenti vəzifəsində qala bilər

Bakı-APA. FİFA prezidenti Yozef Blatter vəzifəsində qala bilər.APA-nın "TASS"a istinadən verdiyi xəbərə görə, bu barədə "Shvajts am Zontag" nəşri öz mənbələrinə istinadən məlumat yayıb. Məlumata görə, Blaterrin vəzifədə qalmasında Afrika və Asiya futbol assosiasiyaları maraqlıdır. Onların Yozef  Blatterə vəzifəsində qalması ilə bağlı müraciət etdiyi bildirilir. Xatırladaq ki, mayın 27-də Sürixdə korrupsiya qalmaqalı ilə bağlı FİFA-nın bir neçə yüksək vəzifəli məmuru həbs edilib.İyunun 2-də FİFA prezidenti Yozef Blatter vəzifəsindən istefa verib.