Mehriban Əliyeva Avropa Oyunlarında qalib gələn karateçilərin mükafatlandırma mərasimində iştirak edib

Azərbaycanın birinci xanımı, Bakı-2015 Avropa Oyunlarının Təşkilat Komitəsinin sədri Mehriban Əliyeva Avropa Oyunlarında 75 kiloqram çəki dərəcəsində qalib gələn karateçilərin mükafatlandırma mərasimində iştirak edib.

Trend-in məlumatına görə, bu çəki dərəcəsində qızıl medalı azərbaycanlı karateçi Rəfael Ağayev qazanıb.

Qeyd edək ki, 75 kq çərçivəsində Rəfael Ağayev İtaliyadan olan idmançı üzərində 1:0 hesabı ilə qalib gələrək qızıl medal qazanıb.

Bununla da bu gün karateçilərimiz Avropa Oyunlarında iki qızıl və iki bürünc medal qazanıblar.