Bundesliqanın ən yaxşıları müəyyənləşdi

Almaniya bundesliqasında 2014/2015 mövsümünün ən yaxşıları müəyyənləşib. Qol.Az-ın  "Kicker" dərgisinə istinadən yaydığı xəbərə görə, bundesliqada oynayan futbolçular arasımda keçirilən sorğuya əsasən, "Volfsburq"un yarımmüdafiəçisi Kevin de Breyne mövsümün ən yaxşı oyunçusu seçilib. O, səslərin 52,5 faizini toplayıb. Belçikalı futbolçu başa çatan mövsümdə oynadığı 34 matçda 10 qol vurub, 21 qolun ötürməsini verib. Mövsümün ən yaxşı baş məşqçisi isə Münhenqladbax "Borussiya"sının çalışdırıcısı Lyüsen Favr seçilib. Favrın komandası bundesliqanın bürünc mükafatçısı olub  və Çempionlar Liqasına vəsiqə qazanıb.