I Avropa Oyunlarında iştirak edən daha dörd ölkənin nümayəndə heyətləri Azərbaycana gəlib

Azərbaycanda keçiriləcək I Avropa Oyunlarında iştirak edəcək ölkələrin idmançılarının ölkəmizə gəlməsi davam edir.Trend-in məlumatına görə, artıq İspaniya, Britaniya, İsrail və İsveçin nümayəndə heyətləri Azərbaycana gəlib.Onları Heydər Əliyev Hava Limanında "Bakı-2015" I Avropa Oyunları Əməliyyat Komitəsinin nümayəndələri və könüllüləri qarşılayıblar.Nümayəndə heyətləri onlar üçün ayrılmış xüsusi avtobuslarla "Media kəndi"nə yola salınıblar.Qeyd edək ki, bundan əvvəl Portuqaliya, Almaniya və İrlandiya idmançıları Azərbaycana gəlib.