21-ci Azərbaycan Çempionatı başa çatıb

Azərbaycan Kikboksinq Federasiyasının təşkilatçılığı ilə Gənclər və Yeniyətmələr arasında keçirilən 21-ci Azərbaycan çempionatı başa çatıb. "OLAYLAR"-ın xəbərinə görə, Kikboksinq üzrə 21-ci Azərbaycan Kuboku uğrunda gedən çempionatda NEFTÇİ klubu bütün rəqiblərini geridə qoyaraq, qızıl medalların sayına görə birincilik əldə edib. Belə ki, klub 6 qızıl, 4 gümüş, 7 bürünc medala sahib olaraq, yarışın Kubokuna sahib olub. AKF-nın vitse-prezidenti Güloğlan Cabborov NEFTÇİ klubuna kuboku təqdim edərək onlara gələcək fəaliyyətlərində uğurlar arzu edib. Yeniyetmələr arasında isə kuboka Qızıl Əlcək idman klubunun idmançıları sahib olublar.