Ruslan Qurbanovun komandası üçüncü oldu

Millimizin futbolçusu Ruslan Qurbanovun şərəfini qoruduğu Xorvatiyanın "Hayduk" klubu Avropa Liqasına vəsiqə qazanıb. Qol.Az-ın məlumatına görə, bu,  Zaqreb "Lokomotiv"inin ölkə çempionatının 35-ci turunda doğma meydanda "RNK Split"ə 0:3 hesabı ilə uduzduğu matçdan sonra baş verib. Bu nəticədən sonra üçüncü pillədə qərarlaşan "Hayduk" ən yaxın izləyicisi "Lokomotiv"lə xal  fərqi 4-ə çatdırıb və sona bir tur qalmış bürüncü medalı təmin edib.

Qeyd edək ki,  çempionatın qızı medallarına Zaqreb "Dinamo"su sahib çıxıb. "Rijeka" isə gümüş medalın sahibi olub.