Portuqaliya millisi "Dalğa Arena"da hazırlaşacaq

Çimərlik futbolu üzrə Portuqaliya milli komandası Bakı-2015 birinci Avropa Oyunlarında keçirəcəyi qarşılaşmalara hazırlıq məqsədilə iyunun 16-dan etibarən Bakıda təlim-məşq toplanışında olacaq. Bu barədə Trend AFFA-ya istinadən məlumat verir. Portuqaliya Futbol Federasiyasının müraciətinə əsasən, AFFA bu ölkənin milli komandasına məşqlərin keçirilməsi üçün Mərdəkan qəsəbəsində yerləşən Futbol Mərkəzindəki "Dalğa Arena"nın çimərlik futbolu meydançasını ayırıb. Portuqaliya millisi iyunun 21-dək həmin meydançada hazırlıq keçəcək.