Qadın velosipedçimiz Sloveniyada çempion oldu

"Bakı-2015" ilk Avropa Oyunlarında iştirakı planlaşdırılan ölkəmizin qadın velosipedçilərdən ibarət yığma komandasının üzvü Yelena Pavluxina məsul yarışa hazırlıqlarını davam etdirir. Qol.Az-ın məlumatına görə, bu ilin fevralından etibarən Sloveniyanın şosse velosipedi üzrə "Lyublyana" komandasının heyətində çıxış etməyə başlayan idmançımız, klubunun heyətində ilk uğurunu qazanıb - o, Sloveniyada təşkil edilən "Šenčurja" Qran-Prisinin qalibi olub. Kriterium xarakterli yarışda iştirakçılar 1,3 km-dən ibarət marşrut boyunca 21 dövrə vurublar. Hər 3 dövrədən sonra ara finişinin qeydə alındığı yarışda Yelena Pavluxina bütün rəqiblərindən daha yaxşı çıxış edib və Qran-Prinin qalibi olub.