Final mərhələsinə hazırlıq müzakirə olunub – AFFA-da

AFFA-nın baş katibi Elxan Məmmədov aprelin 13-də Məşqçilər Komitəsinin üzvləri və texniki direktorla  görüş keçirib. "Olaylar"ın AFFA-nın rəsmi saytına istinadən məlumatına görə, görüşdə 19 yaşadək futbolçulardan ibarət Azərbaycan yığmasının baş məşqçisi vəzifəsinə təyinat, həmçinin U-17 yığmamızın gələn il keçiriləcək Avropa çempionatına hazırlıq prosesi ətraflı müzakirə olunub. Xatırladaq ki, UEFA İcraiyyə Komitəsinin qərarına uyğun olaraq, 17 yaşadək futbolçulardan ibarət komandalar arasında Avropa çempionatının final mərhələsi 2016-cı ildə Azərbaycanda keçiriləcək və U-17 yığmamız təşkilatçı ölkənin təmsilçisi olaraq final mərhələsində iştirak edəcək.