AFFA yoldaşlıq oyunu ilə bağlı danışıqlar aparır

Avro-2016-nın seçmə mərhələsi çərçivəsində iyunun 12-də Azərbaycan milli komandası rəqib meydanında Norveç yığması ilə qarşılaşacaq. "Olaylar"ın AFFA-nın rəsmi saytına istinadən məlumatına görə, bu oyuna hazırlıq məqsədilə iyunun əvvəllərində yoldaşlıq oyunu keçirmək üçün AFFA Serbiya Futbol Federasiyası ilə danışıq aparır. Danışıqlar müsbət nəticələnəcəyi təqdirdə Azərbaycan - Serbiya yoldaşlıq oyunu millimizin təlim-məşq toplanışında olacağı Avstriyada keçiriləcək.