Ukraynalı futbolçu Azərbaycan millisində oynamaq üçün AFFA-ya müraciət etdi

Ukraynanın "Metallurq" (Zaporojye) klubunun müdafiəçisi, əslən azərbaycanlı olan Pavel Paşayev AFFA-ya müraciət edərək Azərbaycan millisində oynamaq istədiyini bildirib. Bununla əlaqədar AFFA-nın sorğusuna cavab olaraq  Ukrayna Futbol Federasiyası  bildirib ki, o, bu ölkənin  aşağı yaş qruplarından ibarət yığmalarında iştirak edib, lakin əsas komandada oynamayıb.  "Olaylar"ın AFFA-nın rəsmi saytına istinadən məlumatına görə, AFFA onun müvafiq qaydalara uyğun olaraq  Azərbaycan millisində çıxış etməsinə razılıq vermək üçün  FIFA-ya müraciət edib.