Moskvada sui-qəsd cəhdi – Rus general ağır yaralandı

Bu gün səhər saatlarında Moskvanın Yasenevaya küçəsində baş verən avtomobil partlayışı ilə bağlı yeni məlumatlar ortaya çıxıb.

Rusiya KİV-i xəbər verir ki, partlayış zamanı avtomobildə yaralanan şəxs Rusiya Müdafiə Nazirliyinin Operativ Hazırlıq İdarəsinin rəisi, general-leytenant Fanil Sarvarov olub.

56 yaşlı Sarvarov əvvəllər Çeçenistan (1992-2003), Ossetiya-İnquş konflikti, Suriya (2015-2016) və Ukrayna döyüş əməliyyatlarında iştirak edib.

Məlum olub ki, Sarvarovun 2013-cü il istehsalı "Kia Sorento" markalı avtomobili var. Məlumatlara görə, Sarvarov partlayışın baş verdiyi binada yaşayır.

Rusiya İstintaq Komitəsi faktla bağlı cinayət işi açıb və hadisə yerində kriminalistlər işləyirlər. Bakıpost