Hər gün 9 saat SU KƏSİLƏCƏK - Bu gündən BAŞLAYIR
Yalovanın içməli su ehtiyacını ödəyən Gökçe bəndində suyun səviyyəsi 8 faizə düşüb.
Olaylar.az "Haber Global"a istinadən xəbər verir ki, şəhərdə 15 günlük içməli su ehtiyatı qaldığı üçün bütün rayonlarda gündəlik 9 saat fasilələr olacaq.
Şəhər valisi Hülya Kayanın rəhbərliyi altında "Təcili Su Fəaliyyət Planı" həyata keçirilib.
Bələdiyyələr həmçinin üzgüçülük hovuzlarında suyun istifadəsini qadağan etmək və alternativ su təmin edə bilməyən hovuzların fəaliyyətini müvəqqəti olaraq dayandırmaq qərarına gəliblər.
Bənddə suyun səviyyəsinin azalması səbəbindən Ortaburun Su Anbarından Çinarcık boru kəmərinə suyun ötürülməsi, bölgədəki bütün quyuların işə salınması və nasosların hazırlanması qərara alınıb.
Vilayət Səhiyyə İdarəsinin suyun keyfiyyətinə nəzarəti artıracağı, vacib müəssisələrdə (xəstəxanalar, qocalar evləri, dializ mərkəzləri) suyun təhlükəsizliyini təmin etmək üçün əlavə tədbirlər həyata keçirəcəyi qərara alınıb.