Ramiz Mehdiyevin kürəkəni “obyektlərdən” pulları yığarkən görüntüləndi

Milli Məclisin sabiq deputatı, dövlətə xəyanətdə ittiham olunan Ramiz Mehdiyevin kürəkəni İlham Əliyev paytaxtda yerləşən biznes obyektlərindən aylıq vəsaitləri toplaması ilə yenidən gündəmə gəlib.

Olaylar.az Demokrat.az-a istinadən xəbər verir ki, Ramiz Mehdiyevin kürəkəni metronun "Elmlər Akademiyası" stansiyası yaxınlığında yerləşən və ona məxsus olan onlarla biznes "obyektlərindən" yığılan pulları əksər hallarda özü şəxsən toplayır.

O, sözügedən restoran və kafelərindən əldə edilən pulları isə özünün idarə etdiyi "Mercedes Maybach", "Mercedes G 63 AMG", "Rolls Royce" və "Bently" markalı lüks avtomobilləri ilə yığır.