"Gülşən konserti" əməliyyatı - Vəzifəli şəxslər həbs edildi

İzmirin Kemalpaşa rayonunda CHP-lə idarə olunan bələdiyyəyə qarşı aparılan istintaq çərçivəsində biri bələdiyyə sədrinin müavini olmaqla 5 nəfər saxlanılıb.

Sözügedən araşdırma 2023-cü il 29 Oktyabr Respublika Bayramı münasibətilə təşkil olunması planlaşdırılan, lakin Ankarada baş verən terror aktı səbəbilə ləğv edilən Gülşən konserti ilə bağlı dövlət xərclərində qanun pozuntuları iddiaları əsasında başladılıb.

Dələduzluq və vəzifədən sui-istifadə ittihamı İzmir Kemalpaşa Respublika Prokurorluğu tərəfindən aparılan istintaq nəticəsində 5 nəfər barəsində "dələduzluq yolu ilə dövlətə ziyan vurmaq" və "haqsız üstünlük əldə etmək" ittihamları ilə həbs qətimkan tədbiri seçilib.

Saxlanılan şəxslər arasında bələdiyyə rəhbərliyi də var.Polis qüvvələri tərəfindən həyata keçirilən əməliyyatda aşağıdakı şəxslər saxlanılıb:

A.B. - Kemalpaşa Bələdiyyə Başçısının müavini
H.B. - Bələdiyyənin Mədəniyyət və Sosial İşlər üzrə keçmiş müdiri
S.K. və B.B. - İnzibati araşdırma çərçivəsində daha əvvəl vəzifədən uzaqlaşdırılmış bələdiyyə işçiləri
S.P. - Konserti təşkil edən şirkətin vəzifəli nümayəndəsi

Hazırda istintaq davam etdirilir. Hüquq-mühafizə orqanları məsələ ilə bağlı ictimaiyyətə əlavə məlumatın veriləcəyini bildiriblər.