Göygöldə tələbələr qəzaya düşdü, ölən və yaralananlar var

Göygöldə ölümlə nəticələnən qəza olub.

Daxili İşlər Nazirliyinin mətbuat xidmətinin Gəncə regional qrupundan Olaylar-a verilən xəbərə görə, "VAZ-21015" markalı avtomobillə "Opel" markalı avtomobil toqquşub.

Nəticədə rayon sakinləri 18 yaşlı Fariz Məhərrəmov, 40 yaşlı Xəyal Rzayev və 18 yaşlı Heydər Hüseynov xəsarət alıblar. 18 yaşlı Ramal Qurbanzadə isə aldığı xəsarətlərdən ölüb.

Araşdırma aparılır.

Lent.az-ın əldə etdiyi məlumata görə, sərnişinlər Gəncə şəhərindəki universitetlərin birində təhsil alan tələbələr olublar.