Bakının mərkəzində qeyri-adi görüntü - DİN-dən açıqlama

Bakının mərkəzi küçələrində - Dəniz vağzalının qarşısında və digər ərazilərdə paltarsız halda gəzən şəxsin görüntüləri yayılıb.

Olaylar xəbər verir ki, heç bir geyimdən istifadə etmədən ictimai yerdə dolaşan şəxs insanlarda narahatlıq yaradıb.

DİN-in Mətbuat Xidmətindən saytımıza bildirib ki, görüntülərdəki şəxsin 1990-cı il təvəllüdlü V.Ş olması məlum olub.

Qeyd edilib ki, həmin şəxsin sağlamlıq vəziyyəti nəzərə alınaraq, ixtisaslaşdırılmış tibbi müəssisəsinə yerləşdirilməsi təmin olunacaq. (qafqazinfo)