Azərbaycan Beynəlxalq Bərpa Olunan Enerji Agentliyinin Şurasına üzv seçilib

Beynəlxalq Bərpa Olunan Enerji Agentliyinin (IRENA) Assambleyasının 13-cü Sessiyasında qəbul edilmiş qərara əsasən, Azərbaycan 2023-2024-cü illər üzrə IRENA Şurasına üzv seçilib.

"OLAYLAR"-a Energetika Nazirliyindən verilən xəbərə görə, qurumun Nizamnaməsinə əsasən, Şuranın tərkibi 4 regional qrup üzrə 21 üzvdən ibarət olmaqla formalaşdırılır. Azərbaycanın da yer aldığı qrupa ümumilikdə 52 ölkə daxildir və yalnız 7 ölkə - Azərbaycan, Almaniya, İtaliya, Portuqaliya, İspaniya, ABŞ və Kanada Şuraya üzv seçilib.

Qeyd edək ki, IRENA Şurası qurumun fəaliyyətinin təşkili üzrə bir sıra səlahiyyətlərə malikdir və Assambleya tərəfindən ona həvalə edilmiş funksiyaları həyata keçirir.